Alimlər geri dönülməz prosesə çevrilən qlobal istiləşmə ilə bağlı ciddi narahatlıqlarını ifadə edirlər. 

TƏHSİL.BİZ xəbər verir ki, 2024-cü ildə planetdə orta illik temperatur sənaye inqilabından əvvəlki dövrdəki (1850-1900-cü illər) temperaturu 1,6 dərəcə üstələyərək rekord səviyyəyə çatıb. Bu məlumatı Kopernik Avropa İqlim Monitorinq Mərkəzi də təsdiqləyib və bu da qlobal istiləşmənin qaçılmazlığını və Yer kürəsinin kritik temperatur səviyyələrinə düşə biləcəyini vurğulayır. 

Alimlər xəbərdarlıq edirlər ki, kritik həddi - 1,5 dərəcəni keçmək ekosistem və insan həyatı üçün ciddi təhlükə yarada bilər. Bununla əlaqədar olaraq, iqlimşünaslar temperaturun yüksəlməsini ləngitməyə və iqlim dəyişikliyinin potensial nəticələrini yumşaltmağa yönəlmiş tədbirlər üzərində fəal işləyirlər.

Mütəxəssislər planetin iqlim vəziyyətinin daha da pisləşməsinin qarşısını almaq üçün istixana qazları emissiyalarını azaltmaq və davamlı enerji mənbələrinə keçid üçün təcili tədbirlər görməyə çağırırlar.