AMEA-nın Biologiya və Tibb Elmləri Bölməsinin (BTEB) və Dendrologiya İnstitutunun Elmi şurasının birgə iclası keçirilib.

İnstitutdan TƏHSİL.BİZ-ə bildirilib ki, iclasda 2024-cü il üzrə 1 problem, 8 mövzu, 11 iş, 31 mərhələ üzrə aparılan elmi-tədqiqat işləri və alınan nəticələr təqdim olunub.

Bildirilib ki, Dendrologiya İnstitutu tərəfindən elmlə təhsilin inteqrasiyası istiqamətində 40-a yaxın yerli və xarici elmi-tədqiqat institutu və ali təhsil ocağı ilə elmi əməkdaşlıq davam etdirilir. Elm, texnologiya və innovasiyalar sahəsində beynəlxalq təşkilatlarla əməkdaşlığın genişləndirilməsi üzrə bir çox işlər görülüb. Dendrologiya İnstitutunun 2024-cü ildən MDB Baş Botanika Bağları Cəmiyyətinə üzvlüyü təsdiqlənib.

İl ərzində Dendrologiya İnstitutu 5 kitab, 1 monoqrafiya, nüfuzlu xarici jurnallarda isə 29 məqalə dərc etdirib.

Müəssisənin baş direktoru Minarə Həsənova institutda aparılan elmi-tədqiqat işlərinin mühüm nəticələrindən danışıb. Bildirilib ki, 2024-cü ildə müəssisə tərəfindən 6 mühüm nəticə təqdim olunub.